Willy vén doutro planeta e por iso hai moitas cousas que non sabía facer cando naceu. Non podía respirar ben nin comer ben como o resto de peques. Tivo que adaptarse á nosa atmosfera e tamén afacerse a comer. Os habitantes do seu planeta non necesitan comer para vivir, pero tampouco necesitan falar para comunicarse; teñen suficiente con darse a man ou mirarse aos ollos. Por iso os seus pais ensináronlle a comunicarse por signos, que lle resulta máis fácil. Con quen mellor se comunica é coa súa irmá, que é a que parece entender mellor a Willy e que moitas veces faille de intérprete. Willy pode ser moi cabezón, cando se propón algo, pero é aberto e moi cariñoso, demasiado para algunhas persoas terrícolas. No seu planeta as mostras de agarimo continuas son algo habitual. A Willy custoulle adaptarse ao noso planeta e estivo a piques de marchar, pero por sorte para os seus pais decidiu quedar, pois no noso planeta pode gozar de cousas tan magníficas como os coches, as vacas e a música a todo volume, ademais da súa marabillosa irmá Olivia. Neste álbum de carácter autobiográfico, Birte Müller, a autora e ilustradora, introdúcenos na vida de Willy e no que significa vivir con el. Willy, o seu fillo, naceu con síndrome de Down, cunha trisomía 21, un cromosoma de máis

Título original: Planet Willy